الصداقة ود وإيمان ,, الصداقة حلم وكيان يسكن الوجدان ,,, الصداقة لا توزن بميزان ,,, ولا تقدر بأثمان ,,, فلابد منها لكل إنسان

ــــــــــــــــــــ

كلمة الصداقة حروفها ..

ص …. صدق

د …… دم واحد

ي ….. يد واحدة

ق …. قلب واحد

ــــــــــــــــــــــــــ

كلمات اعجبتنى جدا جدا عن الصداقة , فعلا حروفها هى شروطها

علشان كده مينفعش التسرع فتحديد شخص يستحق اللقب ده لان صديقك بعد كده هو اللى كلامك معاه زى ما تكون بتكلم نفسك بالظبط , يعنى لازم يبقى حد يستحق بجد .

وزى ما بيقولوا الصديق الحقيقى هو اللى بيدعى لك بظهر الغيب دون ان تطلب ودون أن يذكر لك ذلك

ولكن للاسف كتير مننا بيبقوا نفسهم فحد يشاركهم افكارهم وفرحهم وزعلهم واحلامهم وكللل حاجة فبنقع كتير فالاختيار وبنغلط كتيير وبندى ثقتنا لناس كتيير  وبنرجع نزعل ونندم

فبجد نصيحة لنفسى اوولاا .. بلااش ندور على صاحب لا نعود نفسنا اننا نبقى مبسوطين جدا من غير اى صحاب ولو ربنا اراد هيقدر لينا اننا نلاقى فسكتنا ناس تستحق تبقى اصدقاء فعلا

,,,,

الموضوع عجبنى فقلت اكتبه فمدونتى حبيبتى ^ _ *

والسلاام ختاااام

السلام عليكم ورحمة الله وبركاته

اليوم سمعت نشيد , كنت اتمنى لو أستطيع وضعه ولكن للأسف النشيد بإيقاع ولكن كلماته فعلا فى قمة الروعة وتلامس القلب فعلا ..

.

.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وبهذا تكون إنتهت الكلمات , كنت فى أمس الحاجة لمثل تلك الكلمات اليوم , ففعلا يجب بدلا من وضع اهداف لحياتك ان يكون لديك هدف واااحد فقط وهو الجنة وتحقيق الهدف يكون بأى طريقــــــــــة حتى لو لم تكن المفضلة لديك ولكن يبقى ربنا راضى عن من يرزقهم بتحقيق هذا الهدف بطرق جميييلة جداااا

الحمد لله الحمد لله الحمد لله ^ ___ ^

ساعات بجد الواحد بيتخيل ان ده حلم حياته ولكن ساعات الشيكان بيزين ليه طرق يتخيل انه بيها هيوصل للحلم ده , وفعلا ساعات الشيطان بيساعدنا اننا نضحك على نفسنا ونعمل مالانرضاه فقط لنرضى الناس وننسى رب الناس ورب كـــــــــــــــــــــــــل شئ

بجد لو اخلصنا النية وخلينا ده الهدف الوحيد هتكون كللل حاجة ممكن تتعبنا او تأثر علينا على قلبنا زى العثل

بس اجمل حاجة بجد لما ربنا بييسرلك الطرق اللى بيها توصل وكمان بيهديك ناس تساعدك على ده وتعينك وكل ما تقل عزيمتك تشدك فالحمد لله الحمد لله والهدف ده بجد يبقى اروع واروع لو تمنيت دخولها مع احدهم ووقتها هيكون بذلك كرم الله لك تعدى حدود خيــــــــــــالك

يالله أنت اعلم بحالى وما بقلبى منى فأحسن نوايانا وطهرها وارزقنا الاخلاص فى القول والعمل ياارب ونور دربنا برضاك وتوفيقك وحققلى ما بقلبى يااارب فانت الرحمن الرحيم الكريــــــــــم

هرووح بقى اخلص شغل مشروع التخرج , وإن شااء الله بمجرد إنتهاء المشروع هحط هنا كل الصور اللى عملتها لانى بجد حباها جدااا وطبعا ده هيبقى اول شغل عملى ل إنج جونجوما

يلة السلام ختااااااااااااااام

السلام عليكم

عودة مرة اخرى للكتابة فى مدونتــــى حبيبتى , بس الان والحمد لله بقت المكان الوحيد بعيييييييد عن اى حد

بجد حاسة بتقلب بشـــــــــع الايام دى فى الحالة النفسية .

ولقيت كلمات اعجاابى بيها سببه انها بتوصف بالظبـــــــط اللى بحس بيه

…

لا أعلم ♥

سبب تعلقي بك

… ولا أعلم ♥

سبب غيرتي عليك

ولا أعلم ♥

لما أنت بالذات

ولكــــــــن ♥

ما أعلمه جيدآ أن

هذا الشئ ماكان ليكون مالم تكن أنت

فهـــذا أختيار ربــى لــــى

فأنا أحب ♥
فهم بعضنا للأخر دون أن نتكلم

أحب♥
تشابه عاداتنا

أحب ♥
ضحكاتنا ،
نقاشنا جدالنا

لكـــــــــن ♥

مايرعبني هو

تعلقي بك

وأن يومي لايكتمل بدونك

فأنا لا أقوي علي فقد ما أحب

ولكن ♥

ثقتى بربـــــــــى أكبر

ولهــــــــذا أعلم أنه بى رحيــــم

فهـــــو أرحم الارحميـــــــن ،،

فأجمــــــع بيننــــــا بالخيــــــر

وأجعل لي فيه خير ♥ وأجعل له في خير

اللهم أميــــــن يارب العالميـــــــن

♥

..

الحمد لله على كل حال “”"اللهم قدر لى الخير حيث كان ثم ارضنى با يااااارب”"”

GoGo

التدوينة يمكن متأخرة كام يوم بسبب ضيق الوقت فى الفترة اللى فاتت , المهم, يوم التلات الماضى بجد كان أحد أروع الايام كانت فيه مناسبة جمييلة جدا وغير كده كنت طوول اليوم واليوم اللى قبليه مع احلى وافضل وأكوس (جمع كويسة ^ _ ^ ) بنات وأخدت عليهم جداا جداا . كان يوم سيمنار وبروفا لمناقشة دكتور عمرو اللى كلنا كنا بنتمنى ليه كل التوفيييييييييييييق والنجاح لانه بجد بمثابة أب وأخ أكبر لينا كلنا

وجهزنا ليه مفاجئة قبليها , بس صرااحة كانت جامدة فعلاا , علقنا زينة فكل مكاان فالاوضة , اى نعم كنا متعلقين على الكراسى والمكتب طووول الوقت بس بجد كان يوووم راائع جدا , وطبعاااا يعنى الحاجة اللى عملتها كانت افضل وااحدة , اى نعم مكنووش مقتنعين بس هو كده وخلاااص من غير ما يقتنعوا وده اللى كنت عملته:

يمكن مش باينة اووى هنا بس والله عسوولة جدا وخااصة لما بنشغل المروحة وتقعد تتهز مه الهوا ^ _ ^

ملحووظة كمبيوتالتى دى الجروب اللى كلنا فيه وإللى فعلا بحمد ربنا انى دخلت علوم لانى انضميت ليه .

ودى اللى الاء عملته:

وكمان النجفة دى :

ودى صورة من اللى أبلة خضرة عملتهم , زهقتنا طووول اليوم بأفكارها فى التعليق ^ _ ^

وديت برده تبع خضرا ” إستحملناها كتيييييير ” :p

صراحة اللوحة دى جمالها بجد فالمجهود اللى اتبذل فيها مش فألوانها خاااالص هههههههههههههههههههههههههه

وده برواز رااائع , الكلمات اللى فيه بارزة صراحة كان زوقه عاالى جداا والغرييييييييب إنه اللى نقته هى ألاء ^ _ ^ وطالع حلو.

وطبعاااااااااااا منسيناش البلونات , أنا مش نفختها معاهم لأنى بخاف جداا تفرقع فى وشى , بس بقى بعد ماالدكتور شافهم رسمت وكتبت عليهم وللأسف إتقفشــــــــوا :d

ودى صورهم قبل وبعد التعديل

قبل:

بعد:

وده وش مييييييييييييييييييين ؟؟ هكتفى بأول حررف a

وفالاخرررررررررر صورنا الاوضة كلها وهى نضيفة

ودى كماان

بس خلااااااااص دى الصور اللى تنفع تتنشر , مع انى كنت نفســــــــى أنشر صور لجزم كانت مرلامية على الارض بس الناس خايفين صور جزمهم تنتشر :p:p

صراحة كانوا أحلى يومين منذ فترة طوييييييييييلة , اللهم لك الف حمد والف شكر ودوما ديمها على الدكتور والمجموعة ودوماااااااا فى تفوق مستمر :)

والسلام ختااام ونلقاكم فى تدوينة المناقشة قريباااااااا ان شاء الله يااارب ^ _ ^

السلام عليكم

كيف حالكم جميعا؟؟… حصل اللى مكنتش اتوقعه من نفسى ابدااااا, اى نعم هو محصلش حلو اوى بس حصللل ^ _ ^ . يوم الثلاثاء (17/5) اديت ندوة بعنوان خدمات جوجل

صراحة كانت تجربة جديدة عليا وغرييبة برده , لانى طووول عملرى ممكن اشرح لواحدة او اتنين من صحابى انما انى اطلع اقف قدام الناس واشرح عادى كده دى كانت مستحيل بالنسبالى , ويمكن الى حد ما السبب الرئيسى انه قلة ثقة بالنفس

حاسة ان الواحد ولله ألف حمد وشكر بدأ يتغير للأفضل . الفكرة مش فكرة الندوة لا فكرة انى بدأت اقتنع بحاجات كنت طول عمرى بحب اسمعها انما مش اطبقها , ويمكن التغيير اللى بجد بدأ مع إنضمامى لمجموعة علمية فكليتنا ( كمبيوتالتى) ودى بجد اجمل حاجة حصلتلى فى سنين الكلية ويمكن فى حياتى كلها صراحة . ومنها كمان اتعرفت على بنات مكنتش عمرى هتعرف عليهم برة لان منهم اكبر منى ومنهم اصغر منى

اما بخصوص الندوة , فهى كانت فاشلة فشل زريييييييييييييع هههههههههههههههههههههه وعاادى جدا بالنسبالى, كان فيها سوء تنظيم مافيش داتا شو مافيش مايك مافيش صوتى رغم انى حاولت على اد مااقدر انى اعليه . وكذلك الشرح كان مش تمام , بس رغم كده كنت مبسووطة جدا انى جربت حاجة كنت نفسى اعملها قبل كده وكنت شايفاها مستحيلة وكذلك انى فشلت بشكل صعب ورغم كده اضايقت بس وقتها إنما الحمد لله يارب لما فكرت ان شاء الله المرة الجاية هتكون افضل وان ربنا أراد ان ده يحصل فايا كان اللى عملته او اللى هعمله مش هغير اى حاجة .

الندوة كانت عن خدمات جوجل , صراحة بغض النظر على استفادتى من التجربة بشكل عام  , فانا برده استفدت جدااااااا من الخدمات نفسها وان فى مجموعة خدمات فعلااا رائعين ونويت إستخدامهم بإذن الله تعالى

بس فى حاجة واحدة هى اللى يمكن ضايقتنى حبتين بس بجد ندمت اصلا ان حاجة تافهة زى دى ضيعت عليا شوية الوقت اللى قعدتهم مضايقة او زعلانة لان مافيش حاجة او حد يستاهل الا انك تكون حاسس انك مقصر فحق ربنا

ربنا ياارب يوفقنى وكل الناس لكل خير واللى ينفعنا ويوصلنا للنجاح فالدنيا وينفعنا فالاخرة ويكون صدقة جارية لينا وثواب دايم .

ده لينك لملخلص الندوة على منتدى المجموعة

http://www.computality.com/forums/viewtopic.php?f=31&t=1360

بالتوفيييييييييييق دوما ياارب ^ _ ^

من فترة كبييييييييييييييرة وأنا اشكو اثناء الصلاة وعند السجود تصدر قدمى ( وبالاخص ركبتى) صوتا , وناس كتييرة جدا قالتلى ان ده هيسبب تعب كتببر بعد كده وصراحة بما انى لم اجد حلا فلم اهتم ولكن عندما قرأت كتيب عن الصلاة بالطريقة الصحيحة والتى كان يتبعها الرسول صلى الله عليه وسلم وهى انه عند السجود يجب ان تلمس يداك الارض اولا ثم تنزل بكامل جسدك على الارض وعند تطبيقها وجدت انه ولله الف حمد والف شكر لم تعد قدمى تصدر هذا الصوت , بجد لا املك او اى شخص اخر غير ان نقول سبحان الله سبحان من جعل كل حركة فالصلاة تفيد الجسم والسجود نفسه يضخ الدم للمخ  , سبحـــــــــــــــــــان الله وبحمده سبحان الله العظيم

ما الحل إذا تأكدت أنك لن تكون كما تريد أن تكون ؟؟؟؟!!

حالة تراجع فى كل شئ ,, والحل الامثل هو الدعاء , ياااااااااارب

أيام قلييلة ويبدأ شهر رمضان الكريم أعاده الله علنا بالخير واليمن والبركات ,,

فكل عام وأنتم جميعا بخير وصحة وعافية.

يارب بوفقنا جميعا للعمل الصالح ويتقبله منا ياارب ويبلغنا رمضان جميعا يااارب.وألا يكون صيامنا مجرد صيام عطش وجوع فقط.

رمضان

قال “صلى الله عليه وسلم(إذا دخل رمضان فتحت أبواب السماء وغلقت أبواب جهنم وسلسلت الشياطين ).

وهو ايضا شهر تضاعف فيه الحسنات ,, ويكفى ان فيه ليلة القدر.

فنحمد ربنا سبحانه وتعالى على الفرص الراائعة اللى أعطانا إياها

فأذكر نفسى وإياكم بالإستعداد لهذا الشهر المبارك الكريم هدية ربنا سبحانه وتعالى لكل مسلم ,, والإلتزام بأوامر الله سبحانه وتعالى ,,وألااااا نكون من عباد رمضان ,,يعنى مش مجرد ماينتهى تتنتهى كل اعمالنا الصالحة وينتهى إلتزامنا .

وطبعا للأسف الشدييد مع دخول الشهر الكريم بتزداد إعلانات المسلسلات التى لا حصر لها ..لا وكماان بيطلقوا عليها مسلسلات رمضان وكأنه هو شهر الدراما والمسلسلات

فياريت بجد نحاول نبعد نفسنا عن أى حاجة ممكن تضيع صيامنا أو تضيع أجرنا على أعمالنا الصالحة فى رمضان

واعجبنى احد المواضيع التى تتحدث فى هذه الجزئية ..وإليكم الرابط::

http://www.computality.com/forums/viewtopic.php?f=37&t=877

**ايضا رمضان هو شهر تسامح وغفران وصفاء نوايا واذهان ,, فعلينا جمييعا الإلتزام بحسن المعاملة وإذا أخطأ أى منا فى حق أحد فليسارع بالإعتزار ,,فأغتنموا هذه الفرصة فى إصلاح جمييع أخطائك الله ثم مع الناس ليكون رمضان بداية طيبة لنا جميعا بإذن الله تعالى((فربنا يعيننى بقى ))

ملحووظة ::التدوينة إلى حد ما بدرى شووية بس تعويضا للتدوينة الخاصة بشهر شعبان كانت متأخرة شويتين فقلت أعوض فى دى بقى ^ _ ^

بالتوفيق لكم جميييعا اخوانى الكرام

والسلااام ختـــــــــــــااام ^ _ ^

ENG_GONGOMA

شهر شعبان من الأشهر المباركة حيث ترفع أعمالنا إلى الله سبحانه وتعالى ..لذا فيفضل فيه ان نحسن عبادتنا سواءا بالصيام  او الدعاء او القيام او قراءة القرءان الكريم ,,فهو شهر الإستعداد.

ومن مميزات الصيام فى شهر شعبان “”غير الثواب”"إننا نتأقلم على مشقة الصيام بحيث مع دخول الشهر الكريم  لا نشعر فيه الا بحلاوة ولذة العبادة والتضرع لله سبحانه وتعالى

وحسن عبادتنا فى شعبان تعتبر من حسن ضيلفتنا لشهر رمضان

لذا فأذكر نقسى وإياكم بالاكثار من الدعاء وقراءة القرءان والصيام فى هذ الشهر الكريم إستعدادا لرمضان أعاده  الله علينا بالخير واليمن والبركات

على الهامــش:: رجاءا لا تنسونا من صالح دعائكم بظهر الغيب بصلاح الدين والشأن ,, وان ييسر الله امورنا ويخفف عنــا “”رجاااءا لا تنسونا من الدعاء “فى امس الحاجة “” ^ _ ^

**يمكن التدوينة اتكتبت متأخر شوية كنت ناوية  كتابتها بدرى شوية .بس خيير باذن الله

بالتوفيـــــــــــــــــق للجميع ياارب

والسلام عليكم

السلام عليكم إخوانى وأخواتى الكرام ,,

اليوم فعلا إكتشفت إنه  مافيش فايدة . الناس بقت غريبة جداا وكل ماتتعدل الفكرة انها حالات خاصة بس هم اللى بيشوهوا صورة الناس بيحصل قدامى مواقف تأكدلى انه فعلا مافيش فاييدة. وده لأن للاسف  الناس بعدت عن دينها وعن ربها . لأننا لو كنا متمسكين بديننا  وإلتزمنا بأوامر ربنا لينا ماكنش حد فينا نافق ولا كذب ولا….ولا…

أنا متهيألى الناس حاليا واخداها هواية . ولو كل واحد عرف نتيجة أفعاله دى على الأشخاص إللى بيعمل كده فيهم إيه أظنه  ممكن يتقى ربنا .

ازاى ممكن تحط ثقتك فى حد ويبقى صديق مقرب  ليك وتحاول دايما تتجنب زعله ويرد على كــــــــــل ده بخبطة جامدة تفقدك توازنك .

إزاى لو حد كتوم ,إستأمن حد على عيوبه ” وممكن ماتكونش عيوب بمعنى الكلمة .” وبمشاكله  يرد عليه بخيانة الثقة دى؟؟؟!!!!!!

نفسى بجد كل شخص قبل مايكذب , قبل ماينافق , ويضحك فوشك ومن وراك بيمقتك , وقبل ما يخون ثقتك فيه …..يفكر ان ربنا شايفه , ويوم الحساب هيتسأل على ده , ويسأل نفسه إيه الفايدة اللى هيجنيها من ده؟

بالعكس انا متهيالى انه لو حد مش بيحب حد ولا بيحب صفاته ولا عاوزه يبقى صديق مايمشيش معاه من الاول .. وده هيبقى أريح للطرفين.

حاليا فعلا من اللى بشوفه” سواءا للى بيحصلى او بيحصل لغيرى” بدأ يرجعلى تانى إحساس الرغبة البشعة فالموت  بس طبعا بعد مااكون رضيت ربنا .. واكيد ده هيبقى اريح بكتييييير  من التواجد فالدنيا دى.

المشكلة اللى بتواجهنى حاليا انى قبل كده كانت حياتى فاضية فمش كان يفرق  الموت دلوقت او بكرة .. لكن دلوقتى بقيت عندى احلام وامنيات نفسى احققها  ونجاحات نفسى اوصلها قبل مااموت.

وفالنهاية .أتمنى من ربنا إنى ماأقابلش ناس من النوعية دى تانى ” او بمعنى اصح عااااااشر”" وانه يوفقنى لحد ماأحقق كل إللى بتمناه وكل أحلامى  فى اسرع وقت ..ويعينى على حسن عبادته ويرضى عنى . وياخدنى عنده ..لانه فعلا مش مصبرنى على الدنيا دى  غير انى عاوزة اسيب ورايا اثر فالدنيا ,, وحاجات يستفيد منها غيرى  وتكون لى صدقة جارية بعد مماتى بإذن الله

دعواتكــــــــــــــــــم جميعا

يلا بالتوفيق للجميع

والسلااااااااااااااااام ختااااااااااااام ^ _ ^

ENG_GONGOMA